A PRINCIPIOS DO SÉCULO XX QUE AS MULLERES XOGARAN AO FÚTBOL DEBÍA SER ALGO TABÚ. NUNHA RECHAMANTE FOTOGRAFÍA, DATADA DE 1925 E CON AUTORÍA DE MANUEL RIESCO, APARECEN 12 MULLERES ATAVIADAS CO UNIFORME FUTBOLÍSTICO E POSANDO EN FORMACIÓN. DOUS EQUIPOS DE FÚTBOL, O ARNOIA DE ALLARIZ E O CELANOVA, CON ACTITUDE DESAFIANTE E SERIA, E RECOLLIDOS ESTILO BELLE ÉPOQUE, BAIXO O TÍTULO “EQUIPO DE FÚTBOL FEMININO NO VELLO CAMPO DE VILANOVA”. QUEN ERAN ESTAS MULLERES? QUE FOI DELAS? QUE SUCEDEU NESE PARTIDO? ATOPÁMONOS ANTE UNHAS PIONEIRAS? FRONTE A ESTES INTERROGANTES, COMEZAMOS -SEN RETORNO- UN MERGULLO NAS CURIOSIDADES DESTAS TRAVESÍAS DE VIDA FEMINIZADAS E AÍNDA POR DESCUBRIR.