PAPAGUENO É UN PAXAREIRO QUE ACOMPAÑA A TAMINO, O PROTAGONISTA DA PEZA, NAS SÚAS AVENTURAS POLO MUNDO. LEVA SEMPRE CONSIGO UNHA GAIOLA NA QUE ENCERRA OS PAXAROS QUE CAZA, E SEMPRE ESTÁ A FALAR DOS SEUS INTENSOS DESEXOS DE AMOR. NO FINAL DA PEZA EMPARELLA CON PAPAGUENA, PERO NADA SABEMOS DO FUTURO EN COMÚN DESTA PARELLA. IAGO HERMO PON O FOCO PRECISAMENTE NESTE PORVIR: QUE TIPO DE VIDA LLE ESPERA A UNHA MULLER QUE EMPARELLA CUN ‘PAPAGUENO’? REMATARÁ VIVINDO NESA GAIOLA QUE PORTA NO LOMBO? PAPAGUENA TRAE AO PRESENTE ESTA PARELLA DE PERSONAXES QUE SEGUEN A NAMORARSE A DÍA DE HOXE EN TEATROS DE TODO O MUNDO PARA VISIBILIZAR QUE A SÚA É UNHA RELACIÓN TÓXICA DA QUE PAPAGUENA, DE FEITO, SE DESPRENDE DURANTE A PEZA. PAPAGUENA É UNHA ÓPERA ELECTRÓNICA DO COMPOSITOR GALEGO IAGO HERMO INSPIRADA NA PARELLA DE PERSOAS-PAXARO QUE APARECEN NA CÉLEBRE ÓPERA A FRAUTA MÁXICA DE WOLFGANG AMADEUS MOZART.