JOSITO PORTO, famoso por ser o actor mais imprescindible da Galega, na que brillou en papeis de vendedor de xornais, camareta ou chapista, agora ven dar a chapa á sua terra de adopción: Ames. Porto sempre se gabou de ser inculto, vulgar, e ignorante, cando en realidade é un actor de extensa sensibilidade e erudito perdido, co que gañou un feixe de prémios Maria Casares. El di que fai LARETADAS para non humillar aos veciños. Despois de ouvir a Josito, a xente di: “Comparado con ese, eu si que son listo” Ábrelle o telón, LUIS REY, que se inicia na arriscada actividade do stand-up. Non é a primeira vez que está nun escenario actuando para xente agreste, non é a primeira vez que conta contos para facer rir á concorrência, mais é a primeira vez que fai as duas cousas ao mesmo tempo. No pasado formou parte, como animador, das mellores orquestras de baile do pais, o que lle permitiu coñecer palmo a palmo o lado salvaxe do pais, agora vai contalo en público, sen gardar segredos. Mellor que o National Geographic. Dende a Ardebullo Bin Ban á Casa da Cultura de Bertamiráns.