Presenta ISAAC JURADO (Cataluña): Experto en humor e cun toque moi persoal. Participan: • SEIMEI (Corea do Sur): un gran artista referente no continente asiático. Chega a Galicia para presentar por primeira vez en Europa o seu número máis recente. Unha viaxe pola maxia tradicional asiática nunca antes vista.As máscaras e os abanos serán os principais elementos que pasarán polas mans deste habilidadoso artista. • MARCOS WALDEMAR (Lugo): Unha auténtica mente creativa, recente gañador de dous premios nacionais de maxia no último Congreso Máxico Nacional. Un dos artistas galegos máis emerxentes, presentará na Gran Gala de Festimax o seu número estrela. • PEIO RIVAS (País Vasco): Experto en manipulación de obxectos, unha das ramas máis complicadas do ilusionismo. Cartas que aparecen nos seus dedos a un ritmo trepidante. Unha mestura de xuventude e elegancia a partes iguais. • DIEGO e ELENA (Madrid): Un dos números máis aclamados nos principais Festivais de Maxia de todo o mundo. Unha proposta nunca antes vista, a mestura de dúas disciplinas: As acrobacias aéreas e o Quick Change. Serán os encargados de poñer o broche de ouro ao Festimax 2025.