DAVID REGUEIRO, TRAS REALIZAR ESTUDOS DE GUITARRA, EDUCACIÓN MUSICAL, HISTORIA E CIENCIAS DA MÚSICA EN DIFERENTES CONSERVATORIOS (OURENSE, SALAMANCA E A CORUÑA) E UNIVERSIDADES (COMPLUTENSE DE MADRID, SALAMANCA E ROYAL HOLLOWAY DE LONDRES) RECIBE CLASES DALGÚNS DOS MÚSICOS CON MÁIS TRAXECTORIA A NIVEL INTERNACIONAL. CUNHA DUCIA DE DISCOS EDITADOS, CON CENTOS DE ACTUACIÓNS POR DIFERENTES PAÍSES E CO APLAUSO UNÁNIME DE PRENSA E PÚBLICO, CONSOLIDOUSE COMA UN DOS GUITARRISTAS DE GYPSY JAZZ MÁIS PROMINENTES DO ESTADO. XAN CAMPOS, FORMOUSE COMO PIANISTA E COMPOSITOR EN CONSERVATORIOS DE GALIZA, PAÍS VASCO, BERLÍN, AMSTERDAM E COPENHAGUE, UNHA ETAPA QUE LLE PERMITIU ESTAR EN CONTACTO COA VANGARDA DO JAZZ EUROPEO, PERCORRENDO SALAS E FESTIVAIS DE GRANDE PARTE DO CONTINENTE. NESTE MOMENTO, XAN CAMPOS É UN DOS PIANISTAS MÁIS ACTIVOS DA PENÍNSULA IBÉRICA, TANTO Á FRONTE DOS SEUS PROXECTOS COMO NO PAPEL DE SIDEMAN DE DESTACADOS ARTISTAS DA ESCENA DO JAZZ DE ESPAÑA E PORTUGAL.