LETI DA TABERNA non descobreu que nas tabernas é onde o inxenio brilla e onde se di o que nos se pode dicir no parlamento. Iso xa se sabía. O que descobre Leti é o camiño que leva da Taberna a Tik-Tok. Grazas a ela toda a ironia e a retranca da muller galega espállase polo espazo virtual con tecnoloxía chinesa. No monólogo “Enredada” explota os métodos para usar as redes sen converterse en peixe para carnada. Desde o seu debut no Rei da Comedia , que se converteu en raiña por causa dela, triunfa Leti na radio, nas plataformas e nas tabernas de verdade. Ela cre no traballo curativo do humor, como boa sanitaria que é . *Ábrelle o telón IRENE MEDIN. Uña muller da terra de Bergantiños, que sempre foi tan fértil en enxeños e brincadeiras, actualiza o necesario que é o humor é para a supervivencia, como o é a auga para a navegación. Con unha forma distinta de ver as cousas, converte o malo en bo coa vara máxica do humor. Cansada de ligar pipiolos nas discos e de coleccionar multas na moto, Irene lanzouse ao monólogo. ”Mestura humor, falsa ciencia, experiencias persoais e reflexións absurdamente lóxicas sobre o corpo, o sexo, a maternidade e as cousas raras que pasan cando che convertes en feliz divorciada”, por dicilo coas súas palabras.