MARITA MARTÍNEZ é estrela da TV e do escenario, tanto lle ten a Marita estar nun bar de Cerceda que no Scala de Milán, aínda que prefire o bar porque lle pagan o caché completo. Actriz premiada con texto aprendido,tamén brilla nos improvisos e ten espallado a arte da impro polas mellores salas do pais…e polas peores. No Castelo Conta que é a capital do humor falado brillou con luz propia. Marita presenta desta volta as memorias da súa avoa, de onde lle ven esa mirada do mundo que sempre nos sorprende. O distintos que eran os vellos tempos dos actuais, ou o iguais. Ten o record do mundo de ir do Instagram á lareira en microfraccións de segundo. *Ábrelle o telón CARLA MAÑAS. Uña figura ascendente desde as cloacas do stand up e do xornalismo. Presume de ser It Girl e máis maleta persoa, máis a crítica afirma que é moi doce e moi riquiña para amolala. Ela sae á escena empuñando o látigo do sarcasmo, pero ás veces pégase a si mesma, e o público ri. O seu espectáculo Súper Freak, co que trunfa no estranxeiro, é escuro , raro e incómodo. E non o din os Avogados Cristianos, dío ela.