NESTA OCASIÓN O MÚSICO E ACTOR PACO NOGUEIRAS E O ARTISTA AUDIOVISUAL XOSÉ MIGUEL SAGÜILLO COMBINAN A SÚA TECNOLOXÍA, APARATOS E INSTRUMENTOS NUNHA DIVERTIDÍSIMA VIAXE CHEA DE HUMOR, CORES, IMAXES, BAILE E CANCIÓNS. AS ALEGRÍAS, AS AMIZADES, OS LIBROS, A POESÍA, A ECOLOXÍA, AS FESTAS DO ANO (O MAGOSTO, O SAMAIN, O ENTROIDO, O NADAL) E O RESPECTO Á NOSA LINGUA SERÁN PARTE DA EQUIPAXE. UNHA FANTÁSTICA OPORTUNIDADE DE REGALAR OS OLLOS E AS ORELLAS, BRINCAR E PASALO BEN COS AMIGOS E AMIGAS NUN PARTICULAR CAMIÑO ONDE A MÚSICA E A IMAXE SOAN CON FORMA DE SORRISO. BRINCA VAI! 2.0 CONVÍRTESE NUN ESPECTÁCULO INTERACTIVO ONDE A MÚSICA COLLE FORMA E A IMAXE SOA MÁIS ALEGRE . BRINCA VAI! 2.0 VIAXARÁ ALÍ ONDE ALGUÉN QUEIRA CANTAR, RIR, BAILAR OU SIMPLEMENTE ESCOITAR COS OLLOS, AS MANS E ORELLAS BEN ABERTAS!